ފައްޔާޒު، 2028 ގެ އެމްޑީޕީގެ ރިޔާސީ ޕްރައިމަރީގައި ވާދަކުރައްވަނީ

ދެހާސް އަށާވީސް ވަނަ އަހަރު ބާއްވާ ރިޔާސީ އިންތިހާބުގައި އެމްޑީޕީގެ ފަރާތުން ނުކުންނަވާނެ ކެންޑިޑޭޓަކު ކަނޑައެޅުމުގެ ޕްރައިމަރީގައި ވާދަކުރައްވަން އެ ޕާޓީގެ ޗެއާޕާސަން ފައްޔާޒު އިސްމާއިލް ނިންމަވައި އެކަން މިއަދު އިއުލާން ކުރައްވައިފި އެވެ. އިދިކޮޅު އެމްޑީޕީގައި މިހާރު އެންމެ ނުފޫޒު ގަދަ އެއް ލީޑަރު ފައްޔާޒު ރިޔާސީ ޕްރައިމަރީ އަށް ނުކުންނަވާނެކަން އިއުލާން ކުރެއްވީ އެ ޕާޓީގެ ގައުމީ މަޖިލިހުގެ މެމްބަރުން ތިއްބަވާ ވަޓްސްއެޕް ގުރޫޕުގަ އެވެ.