ރިޔާސީ ރޭހަށް ނުކުންނެވުމާ މެދު ކުރީގެ ރައީސް އިބޫ ގާތްބޭފުޅުންނާ މަޝްވަރާ ކުރައްވަނީ

އިބޫގެ އަރިސް ބޭފުޅަކު "މިހާރު" އަށް މިއަދު ވިދާޅުވީ ރިޔާސީ ޕްރައިމަރީގައި ވާދަކުރެއްވުމާ މެދު އިބޫ ފުޅާ ދާއިރާގައި މިހާރު މަޝްވަރާތައް ކުރިއަށް ގެންދަވާ ކަމަށެވެ. "މިހާރު ވާދަކުރައްވަން ތިއްބެވި ގިނަ ބޭފުޅުންގެ ތާއީދު އޮތް ނަަމަ ކުރިމަތިލައްވާނެ. މި ހަފުތާގައި ޝާހިދު [ކުރީގެ ފޮރިން މިނިސްޓަރު އަބްދުﷲ ޝާހިދު] ފިޔަވާ ހުރިހާ ބޭފުޅުންނާ ބައްދަލުކުރައްވައި އެ ބޭފުޅުންގެ ރުހުން ހޯއްދެވި،" އެ މައުލޫމާތު އެނގިވަޑައިގަންނަވާ އިބޫގެ އަރިސް ބޭފުޅަކު "މިހާރު" ވިދާޅުވެދެއްވި އެވެ.